ބީލަން(IUL)343/343/2026/81
ވިޔަފާރިއާއި އަދި ސިނާއީ މަސައްކަތް ކުރުމަށް ވަގުތީ ބިން ދޫކުރުމާ ގުޅޭ:-
މިއިއުލާނާއެކު އެއްހީރަސްކޮށްފައިވާ ޗާޓުގައިވާ ބިންތައް، ގެޒެޓް ކުރެވިފައިވާ "ވަގުތީގޮތުން ބޭނުންކުރުމަށް ކައުންސިލުން ބިން ދޫކުރުމުގެ އުސޫލު 2026" އާއެއްގޮތަށް، އެބިންތަކައް ޚާއްސަ ކުރެވިފައިވާ މަސައްކަތްތަކަށް 1 (އެކެއް) އަހަރުގެ މުއްދަތަކަށް ކުއްޔަށް ނަގަން ޝަޢުގުވެރިވާ ފަރާތްތަކަށް އެފުރުސަތު ޢާންމުކޮށް ހުޅުވާލާ އިޢުލާންކުރަމެވެ.
ބިންތަކާއިގުޅޭ މަޢުލޫމާތު:-
- މި ބިންތައް ބޭނުންކުރެވޭނީ ވިޔަފާރިކުރުމަށާ، ސިނާއީ މަސައްކަތްތައްކުރުމަށާއި އަދި ވަގުތީގޮތުން ތަކެތި ބެހެއްޓުމަށެވެ.
- ބިން ކުއްޔަށް ނެގުމަށް ހުށަހަޅަންވާނީ މި އިޢުލާނުގައި އެއްހީރަސްކޮށްފައިވާ އަންދާސީހިސާބު ހުށަހަޅާ ފޯމުންނެވެ.
- ބިން ކުއްޔަށް ނަގަން ހުށަހެޅޭނީ 01 އަހަރު ދުވަހަށެވެ.
- ހުށަހަޅާ ބިމަށް ދީފައިވާ ސްލޮޓް ނަމްބަރާއި ބިމުން ކުރާ ބޭނުން ހުށަހެޅުމުގައި ބަޔާންކުރަންވާނެއެވެ.
- ކޮންމެ ބިމަކަށް ވަކި ހުށަހެޅުމެއް (އަންދާސީހިސާބު ހުށަހަޅާ ފޯމް) ހުށަހަޅަންވާނެއެވެ.
- ކުއްޔަށް ދޫކުރެވޭ ކޮންމެ ބިމެއްގެ ބޮޑުމިނަކީ 500 އަކަފޫޓެވެ.
- ކޮންމެ ބިމަކަށްވެސް ހުށައެޅޭނެ އެންމެކުޑަ އަގަކީ އަކަފޫޓަކަށް -/2 ރުފިޔާއެވެ. ނަމަވެސް މިކަމަށް އެދި ކުރިމަތިލާ ފަރާތްތަކަށް ވާދަވެރިކަމުގެ ތެރެއިން ބިޑް ކާމިޔާބުކުރުމަށް މިއަށްވުރެ މަތީ ރޭޓަކުން ކުލި ހުށަހެޅުމުގެ ފުރުޞަތުވަނީ ހުޅުވާލެވިފައެވެ.
- ބިން ލިބޭ ކޮންމެފަރާތަކާއެކު ހެދޭ އެއްބަސްވުމުގައި ސޮއިކުރާދުވަހުންފެށިގެން ބިމުކުލި ހިނގާނެއެވެ.
- ކޮންމެ ބިމަކަށްވެސް 2 (ދޭއް) މަހުގެ ކުލި އެޑްވާންސްކޮށް ދައްކަން ޖެހޭނެއެވެ
- ބިޑް ކާމިޔާބުކުރާ ކޮންމެފަރާތަކާއެކު ހެދޭ އެއްބަސްވުމުގައި ސޮއިކުރެވޭނީ 2 (ދޭއް) މަހުގެ ކުލިފައިސާ އެޑްވާންސްކޮށް ކައުންސިލަށް ދެއްކުމަށްފަހުގައެވެ.
- މަހަކަށް ހުށަހަޅާ ކުއްޔާއި އަދި އެ ކުލި ދައްކާނެގޮތް އަންދާސީހިސާބު ހުށަހަޅާ ފޯމުގައި ބަޔާންކުރަންވާނެއެވެ.
އަންދާސީހިސާބު ބާތިލްވާނެ ގޮތް:-
- އަކަފޫޓަކަށް -/2ރ (ދެރުފިޔާ) އަށްވުރެ ކުޑަ ރޭޓަކުން ކުލި ހުށަހަޅާ އަންދާސީހިސާބުތައް ބާތިލް ކުރެވޭނެއެވެ.
އަންދާސީހިސާބު ވަޒަންކުރާނެ މިންގަނޑު (ބިޑް އިވެލުއޭޝަން ކްރައިޓީރިއަރ)
| ފޯމިއުލާ | ހިސާބުކުރެވޭ ގޮތް | ޕޮއިންޓް ދެވޭ މިންވަރު | ޕޮއިންޓް ދެވޭ ބައި |
| (Benchmark Price / Submitted Price) x Allocated Percentage | v ކުއްޔަށްދޭ މާކްސް
| 0 | ކުލި |
ބިޑް ހުށަހެޅުން:-
މިކަމަށް ޝައުޤުވެރިވެލައްވާ ފަރާތްތަކުން 2026 ނޮވެންބަރ 23 ވާ ހޯމަދުވަހުގެ 11:00 އަށް މި އިދާރާއަށް ވަޑައިގެން އަންދާސީހިސާބު ހުށަހެޅުއްވުން އެދެމެވެ. ހުށަހަޅާ އަންދާސީހިސާބުތައް ކެނޑުން އޮންނާނީ ހުށައަޅާ ފަރާތްތަކުގެ ހާޒިރުގައި 2026 ނޮވެންބަރ 23 ވާ ހޯމަދުވަހުގެ 11:00 ގައި ބޮޑުފޮޅުދޫ ކައުންސިލްގެ އިދާރާގައެވެ. ބަދަލުގައި ބޭފުޅަކު ފޮނުއްވާނަމަ، ފޮނުވާ ބޭފުޅެއްގެ ވަނަވަރު އެނގޭނެ ލިޔުމަކާއެކު (އައިޑީ ކާޑްގެ ކޮޕީއަކާއެކު) ބަދަލުގައި ބޭފުޅަކު ފޮނުވިދާނެއެވެ.
އިތުރު މަޢުލޫމާތު:-
ބޮޑުފޮޅުދޫ ކައުންސިލްގެ އިދާރާ
އަބަދަށްފެހިމަގު، އއ. ބޮޑުފޮޅުދޫ، ދިވެހިރާއްޖެ
ފޯން : 6660900
އީމެއިލް: info@bodufolhudhoo.gov.mv
މިހެންވެ މިކަން ޢާންމުކޮށް އަންގައި އިޢުލާން ކުރަމެވެ.
08 ނޮވެމްބަރ 2026